Geguritan "Lagon Ati"

Kudhungmu tandha katresnamu

Lirih lan semu biru

Carita kekarepan wohing guyu

Pijer lenggah, dhiluk, lan meneng neng ora kaku

Kudhungmu tandha temene atimu

Ngrasakake ruh ngrogoh sukma

Kang dumadi saka sukma langgeng lan wicara

Mlebu metu kanthi tata

Sanajan kebak tangis tanpa swara

Tentrem lan adhem

Lumaku tanpa kanca sedina-dina

Ing raimu

Suminar putih isih dadi lagonmu

Geguritan "Ricikan Swaramu"

Yen ta pancen swara iku swara-Mu

Bengi iki, satitik wae aku bisa kaprungu

Reronceneneng kaendran ing Jambudwipa

Rintik alus sakiwane dhadha

 Tansah bisa kewaca

Dadi piweling saking kuwasa

           

Yen ta swara iki gendhing-Mu

Satitik wae, keparenga kanggoku merem ngrasa

Bangetting endah pratandamu

Mring ricikan slendro andangu

Piwulang luhur  saka satemah pijer wengi

Ngandut isi kebak donga

Kalantun mungguh kamulya.

Geguritan "Kidung Pangarep-arep"

Ngadeg jejeg ing punjering wengi

Ngematke sri tanjung

Sayup-sayuping lintang

Mega kang ora tau kari nyawang

Ing reroncening kidung kang kumandhang

Oh Sang Hyang Widhi

Sang Hyang lelenaning jagad

Paringana panglipur

Dening cuwa kang ngebaki

Tan saya nyupadani ati

Boreh pangarep-arep

Pria kang ditresnani

Ngumbara lan ngabekti

Mring nagara lan luhuring pakerti

Geguritan "Lila"

Opo uwis ora kelingan....

Sumpah janjimu mung marang aku

Sineksen lintang rembulan

Jarene tresnamu mung kanggo aku

Wis nganti rong sasi...

Nanging sliramu ora kirim warta...

Bareng sak iki wis teka...

Kowe malah gandheng wong liya...

Lila atiku wis lila

Sanadyan batinku kelara-lara

Nanging aku ora kuwowo...

Mergo aku wis kebacut tresna...

Geguritan "Lara"

Kemrungsunge ati gawe lara

Cidra dening rasa tanpa nyata

Ya mung bledeg nepsu

Tanpa dirasa njalari paraga

Ala neng tanda

 Wis dinyana nanging tetep lara

Jalaran tresna raga

Kremi otot uga otak kiwa

Mbumbung duwur menggok, tanpa kanca 

Geneo?

Lara lan mung lara.