Geguritan "Aku Kesel Ngundha Kangen"

ngancik tengange

bun esuk wis tanpa tabet

saya arus gandane kringet

sing maune bening dadi buthek

rasa plong kaya dadi buntet

alon aku jumangkah

saurute dalan sidhatan

rungkut ri bebondhotan

lamat-lamat keprungu tembangmu

lirih wiramane ngalentrih

ya ta tutugna olehmu umpetan

yen seneng nyawang aku sansaya kelangan

kesel ngunda kangen

nganti kaya wong lara ora ketamban

apa pancen aku mung wenang ngrungokake tembangmu

sing wiramane ngalentrih iku

sing maakake tatu ing njero dhadhaku sansaya jeru iki?