Parikan

numpak sepur, sepure kaligung
angan-angan sing kabur mung gawe bingung

sega kucing tempe mendoan

aja kecing dadia wong wanian

sumur jero ana ulane

aku tresno karo koe

numpak motor maring simpang lima

jiwaku wis kotor pegen ndang nyuwun ngampura

dawet ayu gula jawa

sliramu cah ayu gawe ati gela

mangan tempe sore-sore

wetengku luwe pengin mangan lele

mlaku-mlaku karo maca buku

katresnanku namung kanggo sliramu

tuku siomay wadahe plastik

rupamu aduhai gawe atiku ketarik

numpak sepur kaligung

gelar koran ning jerone

ayuh padha eling marang maha agung

sekaliyan nyuwun ampurane

esuk-esuk mangkat kuliyah

tangi awan dadi kasepan

awak krasa lungkrah

ngadhepi  tugas sing keteteran

tetembangan ning dhuwur klasa

klasane ning sor wit asem

sliramu si kembang desa

manis banget yen lagi mesem

lungguh klasa nang jero sepur                                                                         

nyemplung segara asin rasane
wulan suro ayuh dosa padha dilebur
mumpung lipat ganda pahalane

jangan terong gorengan tempe

sega jagung kuning warnane

aja seneng serong karo kancane

yen konangan aduh wirang rasane

pengawet kimia jenenge tawas 

ngawetake tempe mendhowan

niate garap tugas

eh pas buka internet malah fesbukan

wedang bubuk, gula jawa.
yen kepethuk ati lega

sepet sepet, sawone mentah.
diempet empet selak ora batah.

wajik klethik gula abang.
aja suthik, yen tumandang

godhong kecipir, mrambat kawat.
najan ora mampir, nanging liwat.

kembang jagung, dipethik cina.
barang wis kadhung dikapakna.

manuk emprit, menclook godhong tebu.
dadi murid, sing sregep sinau.

manuk kutut, manggung ngganter.
yen ra nurut, bisa keblinger.

yèn kêmbang kêmbangé kacang, dudu kêmbange púspa nyidrå.
sih cilík dikudang-kudang, barêng gêdhe gawe rekåsa.

yèn kêmbang kêmbangé lamtårå, dudu kêmbang wora-wari.
mumpúng sirå isih mudhå, sing tabêri ngati-ati

esuk nyuling sore nyulíng, sulingé arèk suråbåyå.
esuk elíng sore elíng, síng diélíng ora rumångså.

awan-awan åjå keluyuran, ånå pak mantri numpak sêkuter.
kapan-kapan aku kêturutan, duwe kåncå sinauné pintêr.

ésúk nêmbang soré nêmbang, têmbangané asmårådånå.
esuk ngadhang soré ngadhang, síng diadhang ra tekå-tekå