Geguritan "Pedah Apa"

pedah apa ngundha rasa

miyaki dongeng lan crita lawas

ngengidung tembang kasmaran

nyicir wektu

ngoyak impen wayah turu

pedah apa nggadhang udan salah mangsa

mokal tumurune

pinesthi nglengkarane

kareben wiji mati

sauger netepi pesthi

kareben lemah nela tanpa tuwuh

sauger netepi kodrating dhawuh

luhur-luhuring titah

lamun ikhlas ing sumarah

mulat sarira angrasa wani

legawa narima jantraning wanci