Geguritan "Tlutur"

iki wancine gendhing tlutur dikumandhangake

awit kinanthi wis suwe dicecep manise

minangka pepeling

cakra manggilingan

jantraning ngaurip kudu dipepaki

abot dikaya ngapa

aja ngemut legining gula

tundhone melik nggendong lali

sadhengah cara dilakoni

saiki wancine tlutur dikumandhangake

nyepakake ati, yen sawanci-wanci

gendhing gleyong nutu jagad pakeliran

tancep kayon